Breaking Posts

6/trending/recent
Type Here to Get Search Results !

8:10:45

ಆಯುಷ್ಮಾನ್ ಭಾರತ್ ಅಡಿಯಲ್ಲಿ ಉಚಿತ ಚಿಕಿತ್ಸೆ ನಿರಾಕರಣೆ: ಆರೋಪ - ದೂರು.

ಆಯುಷ್ಮಾನ್ ಭಾರತ್ ಅಡಿಯಲ್ಲಿ ಉಚಿತ ಚಿಕಿತ್ಸೆ ನಿರಾಕರಣೆ: ಆರೋಪ - ದೂರು.

ಕುಂಬಳೆ: ಕಾಸರಗೋಡಿನ ಪ್ರಮುಖ ಆಸ್ಪತ್ರೆಯಲ್ಲಿ ರೋಗಿಗಳ ಹಕ್ಕಾದ ಆಯುಷ್ಮಾನ್ ಭಾರತ್ ಅಡಿಯಲ್ಲಿ ಉಚಿತ ಚಿಕಿತ್ಸೆ ನಿರಾಕರಿಸಲಾಗಿದೆ ಎಂದು ಆರೋಪಿಸಿ ಕಾಸರಗೋಡಿನಲ್ಲಿ ದೂರು ದಾಖಲಾಗಿದೆ. ರಾಷ್ಟ್ರೀಯ ಕಿಸಾನ್ ಮಹಾಸಂಘದ ರಾಜ್ಯ ಕಾರ್ಯದರ್ಶಿ ಮತ್ತು ಕಿಸಾನ್ ರಕ್ಷಾ ಸೇನಾ ಜಿಲ್ಲಾಧ್ಯಕ್ಷ ಶುಕೂರ್ ಕೇನಾಜೆ ಅವರಿಗೆ ಕಾಸರಗೋಡಿನ ನುಳ್ಳಿಪಾಡಿಯ ಪ್ರಮುಖ ಖಾಸಗೀ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನಿರಾಕರಿಸಲಾಗಿದೆ ಎಂದು ಅವರು ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ಸಹಿತ ವಿವರಿಸಿದರು.
ಜನವರಿ 26 ರಂದು ದೂರುದಾರರಿಗೆ ಪಾಶ್ರ್ವವಾಯು ಬಂದು ನುಳ್ಳಿಪಾಡಿಯ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಆಯುಷ್ಮಾನ್ ಭಾರತ್ ಉಚಿತ ಚಿಕಿತ್ಸಾ ಕಾರ್ಡ್ ಚಿಕಿತ್ಸೆಗಾಗಿ ಸಲ್ಲಿಸಿದಾಗ, ಈ ಕಾರ್ಡ್ ಶಸ್ತ್ರಚಿಕಿತ್ಸೆಗೆ ಮಾತ್ರ ಎಂದು ಅವರಿಗೆ ತಿಳಿಸಲಾಯಿತು. ನಂತರ, ಕಾರ್ಡ್‍ನಲ್ಲಿರುವ ಟೋಲ್-ಫ್ರೀ ಸಂಖ್ಯೆ ಮತ್ತು ಆಯುಷ್ಮಾನ್ ಯೋಜನೆಯ ಜಿಲ್ಲಾ ಸಂಯೋಜಕರನ್ನು ಸಂಪರ್ಕಿಸಿದಾಗ, ಸಂಯೋಜಕರು ಆಸ್ಪತ್ರೆಯಲ್ಲಿ ಎಲ್ಲಾ ಚಿಕಿತ್ಸೆ ಮತ್ತು ಔಷಧಿಗಳನ್ನು ಉಚಿತವಾಗಿ ಪಡೆಯಲು ಅರ್ಹರು ಎಂದು ತಿಳಿಸಿದರು. ದೂರುದಾರರು ಆಸ್ಪತ್ರೆ ಅಧಿಕೃತರನ್ನು ನೇರವಾಗಿ ಸಂಪರ್ಕಿಸಿದಾಗ, ಚಿಕಿತ್ಸಾ ವೆಚ್ಚವನ್ನು ಉಚಿತವಾಗಿ ನೀಡಲಾಯಿತು ಮತ್ತು ನಂತರ ಔಷಧಿಗೆ 25,000 ರೂ.ಗಳನ್ನು ಬೇಡಿಕೆ ಇಡಲಾಯಿತು ಎಂದು ಹೇಳಿದರು.
ಈ ಮೊತ್ತ ಮನ್ನಾಗೊಳಿಸಲು ಮತ್ತೊಮ್ಮೆ ಆಯುಷ್ಮಾನ್ ಜಿಲ್ಲಾ ಸಂಯೋಜಕರನ್ನು ಸಂಪರ್ಕಿಸಬೇಕಾಯಿತು ಎಂದು ಅವರು ಹೇಳಿದರು.
ಈ ವಿಷಯದಲ್ಲಿ, ಆಸ್ಪತ್ರೆಯ ಪಾಲುದಾರ ಮತ್ತು ಅರಿವಳಿಕೆ ತಜ್ಞರಾಗಿರುವ ವೈದ್ಯರ ಪುತ್ರ, ರೋಗಿಯೊಂದಿಗೆ ವಾಗ್ವಾದ ನಡೆಸಿ, ಉಚಿತ ಚಿಕಿತ್ಸೆ ಬೇಕಾದರೆ ಸರ್ಕಾರಿ ಆಸ್ಪತ್ರೆಗೆ ಏಕೆ ಹೋಗಿಲ್ಲ ಎಂದು ಕೇಳಿದರು ಮತ್ತು ಅವರು ಪಡೆದ ಚಿಕಿತ್ಸೆಗೆ ಸರ್ಕಾರದಿಂದ ಬರಬೇಕಾದ 60 ಲಕ್ಷ ರೂಪಾಯಿಗಳನ್ನು ಪಾವತಿಸುವಂತೆ ಕೇಳಲಾಯಿತು. ಆಸ್ಪತ್ರೆಯ ಅಧಿಕೃತರ ಅನ್ಯಾಯದ ವಿರುದ್ಧ ಮಾನವ ಹಕ್ಕುಗಳ ಆಯೋಗ ಮತ್ತು ಸಂಬಂಧಪಟ್ಟ ಅಧಿಕಾರಿಗಳಿಗೆ ದೂರು ನೀಡುವುದಾಗಿ ಅವರು ಸುದ್ದಿಗೋಷ್ಠಿಯಲ್ಲಿ ಹೇಳಿದರು.
ಶಾಜಿ ಕಾಡಮನೆ ಮತ್ತು ನಾಸರ್ ಕೋರಿಕ್ಕಾರ್ ಅವರೊಂದಿಗೆ ಪತ್ರಿಕಾಗೋಷ್ಠಿಯಲ್ಲಿ ಉಪಸ್ಥಿತರಿದ್ದರು.

ಕಾಮೆಂಟ್‌‌ ಪೋಸ್ಟ್‌ ಮಾಡಿ

0 ಕಾಮೆಂಟ್‌ಗಳು
* Please Don't Spam Here. All the Comments are Reviewed by Admin.